想家有辦法|5招教你輕鬆去除燒燶鍋底

【💡想家有辦法|🧽5招教你輕鬆去除燒燶鍋底】
家庭主婦究竟有幾忙❓相信媽媽們有苦自己知，洗衫、清潔、煮飯、照顧小朋友全部一腳踢….每日都忙過不停，唔好話要Me Time，有時開落火煮嘢都唔記得，一唔小心連心愛嘅廚具都煮燶埋🫠….
不過唔緊要<💡想家有辦法>，等我哋教你5招輕鬆去除燒燶鍋底，救返你心愛嘅廚具啦❗️❗️

第1招: 蘇打粉

先準備足夠嘅清水(*可以蓋過燒焦位置)，再加入一大匙蘇打粉，跟住開細火一邊將水煮滾一邊將蘇打粉攪拌均勻，沸騰後再煮1～2分鐘即可關火。之後等蘇打水喺鍋浸泡一晚，就可以用海綿輕輕將焦垢刷清洗乾淨。

第2招: 茶葉

加入八分滿嘅清水入鍋中，跟住放入茶葉開火煮至滾，三分鐘後熄火。靜置數分鐘後，焦垢會一片片咁剝落入水中，最後再用刷具把殘留的焦垢清洗掉即可。

第3招: 檸檬

先將檸檬切片放入鍋，加入可以蓋過焦垢同有檸檬片嘅水煮至沸騰，關火後讓鍋子冷卻至不燙手的程度，再用百潔布稍微刷洗即可。

第4招: 白醋

將半碗嘅白醋倒入燒焦嘅鍋，再加入八分滿嘅水，開火煮沸約3～4分鐘，關火後靜置10分鐘左右，燒焦嘅部份就會開始脫落。最後再用百潔布稍微刷洗，就能沖洗掉焦垢。*白醋搭配蘋果皮一起入鍋煮，會令除垢效果提升！

第5招: 可樂

可樂嘅清潔功效眾所周知，除咗油垢、水漬之外，焦垢都可以靠佢清除！將足量嘅可樂倒入燒焦嘅鍋，煮沸至可樂呈現濃稠狀，熄火後讓可樂稍微冷卻，用鋼刷一邊沾取可樂一邊刷洗，就能讓鍋子恢復原本嘅面貌。

有想家，有辦法😎

#想家有辦法 #燒燶鍋底 #家庭主婦 #蘇打粉 #茶葉 #檸檬 #白醋 #可樂