電磁爐究竟夠唔夠鑊氣?
近年愈來愈多人選擇用電磁爐，原因不外乎油煙比較少同埋容易清潔。但都有唔少人認為電磁爐唔夠鑊氣，炒小菜一定要用明火。咁可能係你未揀到一款啱嘅電磁爐。
電磁爐究竟夠唔夠鑊氣?
電磁爐
1. IC電磁爐要分唔同火數
一般嘅IC電磁爐大約只有1800瓦火數，呢個火力大多數只係足以用嚟打邊爐。如果你經常應付不同料理或炒小菜，就一定要揀2000瓦火數以上嘅電磁爐，先至夠鑊氣。
2. 不同功能選擇
如果你係成日唔記得嘅人，自動切斷電源功能的IC電磁爐幫到你。有呢個功能，爐面過熱或鍋具離開爐頭電磁爐都會自動斷電，以防煲乾水。如果屋企有小朋友就更加可以善用電磁爐嘅兒童安全鎖功能，部分更有餘熱警告燈，提醒父母防止意外發生。
3. 爐頭要大過鍋底
爐頭要比鍋具大，鍋具就先可以平均受熱，咁樣控制火喉更加容易。準備買新電磁爐嘅您，不妨揀一啲free zone IC電磁爐，任何形狀鍋具可自由擺放爐面，咁就唔使左度右度啦！
4. 揀幾多個爐頭好?
2至4人家庭、每日三餸一湯，一般建議2000瓦以上的雙爐頭已足夠使用。如果您每天都要煮九大簋，又要同時煲湯、煮餸就，咁就要考慮選用3000瓦以上的多爐頭IC電磁爐。如果廚房唔大，可以考慮買兩個單頭爐，價錢計落仲平添。
安裝電磁爐
• 留意家中的供電設備是否足夠，電磁爐周圍應有獨立電源插座。
• 2800瓦以下電磁爐：配合13A獨立插座（一般家庭插座）直接從廚房取電，一插即煮。
• 2800瓦以上電磁爐：須以較大輸出電流的固定接線裝置電路供電。
• 因應需要選購配備不同功能的IC電磁爐:餘熱顯示燈、安全鎖、多段熱力調校及時間掣等等。
